Khutbah Sunda OPAT PERKARA NU JADI hAREPAN MANUSA

 

اْلحَمْدُ للهِ اَّلذِيْ جَمَعَنَا عَلَى حُبِّ سَيِّدِنَا مُحَمَّدٍ، وَعَلَى حُبِّ مَا يُحِبُّ سَيِّدُنَا مُحَمَّدٌ، وَمَنْ يُحِبُّ سَيِّدَنَا مُحمد، ومَنْ أَحَبَّ صِرَاطَ سَيِّدِنَا مُحَمَّدٍ. اللَّهُمَّ صَلِّ عَلَى سَيِّدِنَا مُحَمَّدٍ وَعَلىَ آلِ سَيِّدِنَا مُحَمَّدٍ وَعَلَى أَصْحَابِ سَيِّدِنَا مُحَمَّدٍ وَعَلَى أَزْوَاجِ سَيِّدِنَا مُحَمَّدٍ وَعَلَى أَنْصَارِ سَيِّدِنا مُحَمَّدٍ وَسَلِّمْ تَسْلِيْمًا كَثِيْرًا

أمَّا بَعْدُ فَيَا عِبَادَ اللهِ أُوْصِيْكُمْ وَنَفْسِي بِخَيْرِ وَصِيَّةٍ عَلَّمَنَا سَيِّدُنَا مُحَمَّدٌ تَقْوَى اللهِ اْلأَحَدِ الصَّمَدِ فَهِيَ طَرِيْقُ اْلجَنَّةِ اْلمُؤَكَّدِ، فَقَدَ قَالَ اللهُ تَعَالَى اعوذبا الله من الشيطان الرجيم بسم الله الرحمن الرحيم

وَلَا تَمُدَّنَّ عَيْنَيْكَ اِلٰى مَا مَتَّعْنَا بِه اَزْوَاجًا مِّنْهُمْ زَهْرَةَ الْحَيٰوةِ الدُّنْيَا لِنَفْتِنَهُمْ فِيْهِ ۗوَرِزْقُ رَبِّكَ خَيْرٌ وَّاَبْقٰى

Dina ngambah ieu kahirupan, manusa diwajibkeun nyengsarkeun waktu jeung pikiran pikeun ibadah ka pangeran, sabab taya deui anu bisa nungtun kana kabagjaan iwalti ibadah jeung ngabdiken diri ka Dzat anu Maha Heman, tapi ku reka perdaya syetan loba manusa anu lali kana aturan sabab kabengbat pikiran ku masalah kadunyaan, malahan loba anu salah sangkaan dina nangtukeun tujuan hirup jeung kahirupan, sakumaha di dawuhkeun ku sapalih ulama

أربعة طلبناها في أربعة فأخْطأنا طُرُقَها فوجدناها في أربعة أُخْرَى

Aya opat perkara anu jadi harepan manusa, atuh sagala usaha ditamplokeun pikeun ngahasilkeunana, ngan hanjakal salahsangka, atuh usahana jadi sia sia, sabab ukur ngudag ngudag kalangkang heulang nu taya buktina.

Zaman ayeuna loba manusa anu salah sangka dina opat perkara, atuh anu di udag udag teh taya hasilna sabab salah prediksina...

Anu Kahiji

طلبنا الغِنى في المال فوجدناه في القناعة

Loba manusa anu nyangka yen kabeungharan teh ayana dina harta banda jeung dunya barana, atuh sagala tarekah jeung usaha ditamplokeun pikeun ngudag ngudag dunya, dibelaan dug hulu pet nyawa, dug hulu pet kawajiban kawajiban Ka Allah Ta'ala, padahal sabenerna kabeungharan mah ayana dina dada, nyaeta tumarima kana sakumaha pamasihan ti Allah Ta'ala, malahan Allah Ta'ala tos masihan bewara dina kitabna

وَلَا تَمُدَّنَّ عَيْنَيْكَ اِلٰى مَا مَتَّعْنَا بِه اَزْوَاجًا مِّنْهُمْ زَهْرَةَ الْحَيٰوةِ الدُّنْيَا لِنَفْتِنَهُمْ فِيْهِ ۗوَرِزْقُ رَبِّكَ خَيْرٌ وَّاَبْقٰى

Maraneh ulah sok rurat reret kana harta banda jeung dunya barana anu geus di bikeun ka jalma anu kurang iman jeung anu doraka, sabab eta mah ngan sakadar papaes dunya anu jadi malapetaka jeung cocoba ka maranehna, sedengkeun rizqi pangeran anjeun eta leuwih utama jeung leuwih manjang salawasna pikeun jalma anu taqwa. QS. Thoha, 131

Hadirin sidang jum'ah Rahimakumullah!

Anu Kadua

وطلبْنا الرّاحةَ في الثّرْوة فوجدْناها في قِلّة المال

Loba manusa anu nyangka yen ayana kasenangan jeung katenangan hirup teh ayana dina harta banda anu loba, sabab ku ayana harta bisa hasil sagala kahayang jeung cita citana, atuh sakabeh umur nu sesa ditamplokeun pikeun ngahasilkeunana, Padahal timbulna kasenangan mah lain tina lubak libuk loba harta tapi tina tumarima kanu aya, anu dipasihkeun ku Allah Ta’ala Sarta hate pasrah kana kayaan,

Anu Katilu

وطلبْنا الّلذاتِ في النِّعمة فوجدْناها في البدن الصّحيح

Loba manusa anu nyangka yen kasenangan jeung kani'matan hirup teh ayana dina dahareun anu ngeunah jeung kahirupan anu serba mewah, atuh sagala usaha jeung tarekah, ditamplokeun pikeun ngahasilkeunana, padahal kani'matan anu paling utama taya deui iwalti dina badan anu sehat jeung awak anu kuat.

Anu Kaopat

وطلبنا الرزق فى الأرض فوجدناه فى السماء

Loba manusa anu nyangka yen rizqi teh ngampar di bumi, sarta bisa diusahakeun ku diri pribadi, atuh satiap waktu satiap sa'at dipake mikiran rizqi, padahal rizqi mah geus di atur kunu Maha Suci.

Hadirin sidang jum'ah Rahimakumullah! Mudah-mudahan ieu khutbah janten tadzkiroh sareng papatah sangkan urang sadaya henteu salah lengkah atawa nincak dina jalan anu salah anu dipika bendu kunu Maha Wahdah, oge ieu khutbah tiasa janten wasilah kana ningkatna ibadah kanggo ngahontal karidoan alloh anu maha gagah.

با رك الله لي ولكم با القران العظيم ونفعني

Lihat Terjemahan

146146

30 komentar

27 Kali dibagikan

Suka

Komentari

Bagikan

Khutbah Sunda CIRI JALMA ANU TAQWA

 

السَّلاَمُ عَلَيْكُمْ وَرَحْمَةُ اللهِ وَبَرَكَاتُهُ

اَلْحَمْدُ ِللهِ الْمَلِكِ الْحَقِّ الْمُبِيْنِ، الَّذِي حَبَانَا بِالْإِيْمَانِ واليقينِ. اَللَّهُمَّ صَلِّ عَلَى سَيِّدِنَا مُحَمَّد،ٍ خَاتَمِ الأَنْبِيَاءِ وَالمُرْسَلِين، وَعَلَى آلِهِ الطَّيِّبِيِن، وَأَصْحَابِهِ الأَخْيَارِ أَجْمَعِين، وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ. أَمَّا بَعْدُ فياأيها الناس اتقوالله حق تقاته ولاتموتن الا وأنتم مسلمون.

أَعُوذُ بِاللَّهِ مِنَ الشَّيْطَانِ الرَّجِيمِ بِسْمِ ٱللَّٰهِ ٱلرَّحْمَٰنِ ٱلرَّحِيمِ

الَّذِيْنَ يُنْفِقُوْنَ فِى السَّرَّۤاءِ وَالضَّرَّۤاءِ وَالْكَاظِمِيْنَ الْغَيْظَ وَالْعَافِيْنَ عَنِ النَّاسِۗ وَاللّٰهُ يُحِبُّ الْمُحْسِنِيْنَۚ وَالَّذِيْنَ اِذَا فَعَلُوْا فَاحِشَةً اَوْ ظَلَمُوْٓا اَنْفُسَهُمْ ذَكَرُوا اللّٰهَ فَاسْتَغْفَرُوْا لِذُنُوْبِهِمْۗ وَمَنْ يَّغْفِرُ الذُّنُوْبَ اِلَّا اللّٰهُ ۗ وَلَمْ يُصِرُّوْا عَلٰى مَا فَعَلُوْا وَهُمْ يَعْلَمُوْنَ

Puji syukur sumangga urang sami sami panjatkeun ka Alloh Robbun Ghofur, Sholawat sareng salam mudah mudahan salamina tetep renggenek kapanutan alam kanjeng nabi Muhammad SAW

Langkung tipayun khotib wasiyat khusus ka diri pribadi umum ka sidang jum’ah anu mulya, sumangga urang sami sami ningkatkeun kaimanan sareng katakwaan ka alloh subhanau wata’ala mudah-mudahan kujalan kitu urang sadayana kengeng kabagjaan dunia miwah akheratna aamiin.

Hadirin Sidang jumah rohimakumulloh

Alloh subhanahu wata’ala parantos ngadawuhkeun dina alquran surat Al Imron ayat 134 sareng 135 anu di aos dina muqoddimah yen ciri-ciri jalma anu Taqwa eta aya 4

Ciri Taqwa Anu Kahiji

الَّذِيْنَ يُنْفِقُوْنَ فِى السَّرَّۤاءِ وَالضَّرَّۤاءِ

Nyaeta jalma jalma anu ngainfakeun hartana boh keur senang atawa keur susah.

lamun aya jalma ngainfakeun harta nalika manehna keur senang maka etamah geus umum da memang ilaharna kitu, tapi lamun aya jalma ngainfakeun hartana nalika manehna keur susah maka eta luar biasa matak pantes disebut salah sawios ciri Muttaqiin

Ciri Taqwa Anu Kadua

وَالْكَاظِمِيْنَ الْغَيْظَ

Jeung jalma anu bisa nahan amarahna

unggal jalma memang sok boga kaambek, ieu sipat biasana datang dimana panggih jeung pasualan anu teu sapuk jeung kahayangna. Ari ambekteh pangaruh setan sedengkeun setan asal tina seuneu,

Ari sifat seuneu rupa rupa:

aya seuneu anu babari hurung babari pareum

aya seuneu anu hese hurung hese pareum

aya seuneu anu hese hurung babari pareum

aya seuneu anu babari hurung hese pareum

Pon nyakitu deui amarah Jalma

aya Jalma anu babari ambek hese leungit

aya Jalma anu babari ambek babari leungit

aya Jalma anu hese ambek babari leungit

malihanan aya Jalma anu hese ambek hese leungit

Ciri Taqwa anu Katilu

وَالْعَافِيْنَ عَنِ النَّاسِ

Jeung anu gede hampura ka manusa

Moal disebut Insan lamun tara nisyan, moal disebut manusa lamun tara salah, kangaranan manusa pasti boga salah. Kusabab kitu satiap muslim kudu asak hampura. Manusa anu taqwa nyaeta anu nyonto sipat alloh dina hal ngahampura kasalahan batur. Naon sababna urang kudu silih hampura jeung silih lubarkeun dosa? Sababna taya lian ieu dosa anu teu dipenta hampurana di dunya bakal jadi pangbeubeurat diakherat jaga.

Ciri jalma taqwa anu ka opat

وَالَّذِيْنَ اِذَا فَعَلُوْا فَاحِشَةً اَوْ ظَلَمُوْٓا اَنْفُسَهُمْ ذَكَرُوا اللّٰهَ فَاسْتَغْفَرُوْا لِذُنُوْبِهِمْۗ وَمَنْ يَّغْفِرُ الذُّنُوْبَ اِلَّا اللّٰهُ ۗ وَلَمْ يُصِرُّوْا عَلٰى مَا فَعَلُوْا وَهُمْ يَعْلَمُوْنَ

Jeung jalma jalma anu dina mangsa ngalampahkeun kajahatan atawa anu nganiaya dirina buru-buru maranehanana inget ka alloh, sarta terus menta dihampura tina dosa-dosana, jeung naha lain taya deui nu ngahampura dosa salian ti alloh, jeung maranehna henteu tonggoy dina kagorengan anu dilakukeun nana (al imron 135).

Hadirin Sidang Jumah Anu Mulya

Mudah mudahan urang sadayana kalebet jalma anu taqwa luyu sareng ciri ciri anud disebat dina surat Al imron tadi

بَارَكَ الله لِيْ وَلَكُمْ فِي الْقُرْآنِ الْكَرِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ الْآيَاتِ وَالذِّكْرِ الْحَكِيْمِ. أَقُوْلُ قَوْلِيْ هذا وَأَسْتَغْفِرُ اللهَ لِيْ وَلَكُمْ وَلِسَائِرِ الْمُسْلِمِيْنَ مِنْ كُلِّ ذَنْبٍ، فَاسْتَغْفِرُوْهُ إِنَّهُ هُوَ الْغَفُوْرُ الرَّحِيْمُ