khutbah jum'ah NGARIKSA DIRI KATUT KULAWARGA

 

السلام عليكم ورحمة الله وبركاته

الحمد لله رب العالمين والعاقبة للمتقين ولاعدون الاعلى الظالمين. اشهد ان لا اله الاالله الملك الحق المبين واشهد ان محمدا عبده ورسوله افضل المخلوقين اللهم فصل وسلم على محمد وعلى اله وصحبه اجمعين اما بعد فيا ايها الحضرون اوصيكم واياي بتقوى الله تعالى وطاعته لعلكم تفلحون

moal sampurna kasalametan kajaba kumake taqwa لانجاى الا بتقوى

moal sampurna taqwa kajaba kumake amal لاتقوى الا بالعمل

moal sampurna amal kajaba make elmu لاعمل الا بالعلم

moal sampurna elmu kajaba kubelajar لاعلم الا بالتعلم

Hadirin kaum muslimin rahimukumullah

Satiap jalmi anu hirup dialam dunya pasti hayang salamet terutami umatna kanjeng nabi muhammad Saw naha tina pakewuhna alam dunya atanapi poe perhitungan. Sifat jalmi anu sering robah-robah ngajadiken sering tisoledatna kalakuan jalmi terutami kalakuan / sikap aka Allah Swt. Sapertosken robahna jalmitina akur jeng dulur jadi batur, tina jarang maksiat jadi tambah lega pidorakaeuna. Perhatosken dawuh Allah Swt dina surat At- Tahrim

ياايهاالذ ين امنوا قوا انفسكم واهليكم نارا

“ Hai pagolongan jalmi anu ariman kudu ngajaga awak aranjen sareng keluarga aranjen sadaya tina seneu naraka”.

Ayat alqu-an tadi ngandung harti:

1. Ngajaga tina caritaan nyaeta kudu nyarita kalawan nyarita kalawan perkara anu matak moal jadi dosa kueta caritaan, sapertosken ngahina, nyinggung, sareng nusanesna

2. Ngajaga tina kalakuan nyaeta kudu ningaliken sikap marahmay, sae akhlak, budi pekerti, handap asor sareng nusanesna.

3. Ngajaga tina kayakinan nyaeta ngaistiqomahken percaya jeng yakin ka Allah Swt

Saterasna ninggalken maksiat, nyeerken taat ka Allah, silih nasehatan, ngadidik kucara anu sae ie sadaya anu bakal nyalametken diri urang sareng keluarga tina seneu naraka.

Hadirinanu mulya

Kahirupan jalmi dialam dunya anu ngan saukur mampir lil ibarat namu kahiji bumi, saumpama hirup urang, keluarga urang hente dijaga ku ngajalanken parentah Allah, tinangtos bakal menang karugian.

Kaseseeuran kaum muslimin muslimat parantos terang mana anu bakal nyalametken hirup dialam dunya, tapi sifat males, kahayang nafsu ngajadiken jalmi te inget kana katangtuan Allah Swt saumpama nafsu jadi pamingpin hirupna,nafsu anu ngendalikenana, nafsu anu jadi pangerana, sapertos urang ngucapken bahasa-bahasa anu ngajadiken perselisihan, hinaan, atanapi bahasa anu kotor sahingga jalmi ngaraos hente aman. Maka anu leuwih hade nyarita anu allah rido kana naon anu diucapken, sakumaha dawuh rasulullah Saw :

اتقواالنار ولو بشق تمرة فمن لم يجد فبكلمة طيبة ( رواه احمد)

Jaga diri aranjen tina seneu naraka sok sanajan kusodakoh hiji korma, maka lamun tegaduh korma, maka kudu nyarita aranjen kubahasa anu sae.

Hadirin anu mulya

Maka kamistian ka muslimin muslimat,naha tos rumah tangga atanapi teacan supaya ngjaga dirina, keluargana sareng turunan na supaya aya dina karidhoan Allah, ulah sampei ninggalken saparantosna urang turuna anu lemah iman nyatana tekenal ka Allah jeng rasulna. Dawuh Allah dina Al qura-an anu hartosna :

“Jeng kudu sien jalmi-jalmi lamun ninggalken eta jalmi-jalmi ti saparantos maranehna tina turunan anu lemah iman”.

Mudah-mudahan urang sadaya kalebet kapagolongan jalmi anu ngariksa, ngajaga keluarga sareng turunan urang sadaya kumasihan ilmu agama, akhlak anu sae Aamiin Yaa robbal ‘Alamiin.

اعوذ بالله من الشيطان الرجيم وان ليس للا نسان الا ما سعى وان سعيه سوف يرى ثم يجزاء الجزاء الاوفى

بارك الله لى ولكم فى القران العظيم ونفعنى واياكم بما فيه من الايات والذكر الحكيم وتقبل منى ومنكم تلاوته انه هو السميع العليم وقل رب اغفر وارحم وانت خير الراحمين

KHUTBAH IDUL ADHA 1444

GUNAKEUN WAKTU PIKEUN IBADAH

السلام عليكم ورحمة الله وبركاته

أَللهُ أَكْبَرْ ٩ x

أَلْحَمْدُ للهِ الَّذِى جَعَلَ الْبَيْتَ الْحَرَامَ مَثَابَةً لِلنَّاسِ وَأَمْنًا، وَفَرَضَ الْحَجَّ عَلَى عِبَادِهِ كِرَامًا وَّإِحْسَانًا، وَأَغْنَانَا بِفَضْلِهِ رَحْمَةً مِنْهُ وَلُطْفًا وَمَنًّا، أَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ، شَهَادَةً تُنْجِيْنَا مِنْ عَذَابِهِ وَتُنْقِذُنَا، وَأَشْهَدُ أَنَّ مُحَمَّدًا عَبْدُهُ وَرَسُولُهُ، رَسُوْلًا أَمِيْنًا، اللَّهُمَّ صَلِّ وَسَلِّمْ وَبَارِكْ عَلَى سَيِّدِنَا مُحَمَّدٍ وَعَلَى آلِه وَصَحْبِهِ وَالتَّابِعِيْنَ مَا دَامَتِ الْحَيَوَانَاتُ فِى تَسْخِيْرِنَا.

أَمَّا بَعْدُ، فيَا أَيُّهَا الْحَاضِرُونْ، إِتَّقُوا اللهَ حَقَّ تُقَاتِهِ وَلَاتَمُوْتُنَّ إِلَّا وَأَنْتُمْ مُّسْلِمُوْنَ. أَعُوذُ بِاللهِ مِنَ الشَّيْطَانِ الرَّجِيمِ, بِسمِ اللهِ الرحْمنِ الرَّحِيم, {وَلِكُلِّ أُمَّةٍ جَعَلْنَا مَنْسَكًا لِيَذْكُرُوا اسْمَ اللَّهِ عَلَى مَا رَزَقَهُمْ مِنْ بَهِيمَةِ الأنْعَامِ فَإِلَهُكُمْ إِلَهٌ وَاحِدٌ فَلَهُ أَسْلِمُوا وَبَشِّرِ الْمُخْبِتِينَ () الَّذِينَ إِذَا ذُكِرَ اللَّهُ وَجِلَتْ قُلُوبُهُمْ وَالصَّابِرِينَ عَلَى مَا أَصَابَهُمْ وَالْمُقِيمِي الصَّلاةِ وَمِمَّا رَزَقْنَاهُمْ يُنْفِقُونَ}

Hadirin sidang Idul Adha anu dirohmat ku Alloh swt.

Sapeupeuting ngaguruh sora takbir, ngageuing mawa eling ka diri nu perlu ku pepeling. Ti unggal masjid ti tiap musholla, teu eureun gumuruhna minuhan jagat raya, dugi ka langit ka tujuh, nu disambut ku para malaikat, maraca istigfar pikeun nu talakbir ngagungkeun Alloh nu maha wisesa, ngagungkeun Dzat nu Maha Agung, teu aya pangeran anu sa agung Alloh Subhanahu wata’ala. Teu aya nu nandingan kana Digjayana Alloh, kana kakawasaanana, raja ning raja. Nu hak disembah sareng hak di ta’ati parentah sareng laranganana.

Allohu Akbar, Allohu Akbar, Wa lillahil Hamd.

Dinten ieu para jama’ah Haji di Mekah, ayeuna nuju marulih ti Arofah, teras ka Muzdalifah, lajeng ka Mina kanggo ngalempar Jumroh Aqobah, bari teu liren ngalafadkeun Talbiyyah;

لَبَّيْكَ اللَّهُمَّ لَبَّيْكَ، لَبَّيْكَ لاَ شَرِيكَ لَكَ لَبَّيْكَ، إِنَّ الْحَمْدَ وَالنِّعْمَةَ لَكَ وَالْمُلْكَ، لاَ شَرِيكَ لَكَ.

Rangkaian manasik sareng ibadah haji teu leupas tina sunnah Kanjeng Nabi Muhammad saw. anu neraskeun sunnah nabi Ibrohim sareng Nabi Ismail, katut ibuna anu sholehah tegesna Ibunda Siti Hajar alaihimissalam.

Arofah, hartosna Kangjeng Nabi Ibrohim yakin yen ngimpenna sebagai wahyu ti Alloh SWT. di Muzdalifah mulung batu kanggo maledogan syetan anu mere karaguan, ngagoda sangkan teu ngagugu kana parentah Alloh. Lajeng ngalempar Jumroh Ula, jumroh wusto sareng jumroh Aqobah, ngalambangkeun ngusir syetan sangkan jauh tinu keur ibadah.

Sadayana nu dilakukeun ku Kangjeng Nabi Ibrohim, Nabi Ismail sareng Siti Hajar, diturutan ku jama’ah haji, didamel conto, sakumaha nu janten syari’at Kangjeng Rosululloh saw. ieu mangrupi ‘ibroh, picontoeun kanggo urang sadaya, mangrupi tuntunan anu kedah di emutan, di tafakuran kumaha perjalanan jalmi-jalmi anu saroleh mayunan parentah Alloh SWT.

Allohu Akbar, Allohu Akbar, Wa lillahil Hamd.

Manusa anu teu eureun di goda ku syetan, teu liren di kendalikeun ku nafsu, kudu bisa istiqomah, bisa maksakeun diri, ulah unggut kalinduan, ulah gedag ka anginan, dina situasi jeung kondisi kumaha bae, kedah tetep di jalan anu di gariskeun ku Alloh azza wajalla, kedah tetep renggenek, ulah incah balilalahan, aya dina kakhusyuan, kaikhlasan, ibadah beurang peuting, nyembah Alloh, dzikir sareng ngalakukeun amal hade.

Cobaan nu di hadapi Nabi Ibrohim, ti kawit ti Palestina, angkat ka Mekah, disarengan ku istrina bari ngangais Nabi Ismail nu masih bayi. Lajeng istri sareng putrana ditinggalkeun di Mekah nu teu aya jajadian, teu aya cai, teu aya tatangkalan, teu aya jalmi hiji-hiji acan. Siti hajar ngandika; “Abah, ieu leres bade ninggalkeun abdi duaan jeung orok di tempat ieu?” Nabi Ibrohim teu ngawaler, da saha pijalmieunana anu wani miceun anak pamajikan di tempat hara-haraeun, ditempat gersang nu teu aya jajadian tatangkalan. Siti Hajar naros deui; “Abah, naha ieu teh piwarangan Alloh?”, nembe Nabi Ibrohim ngawaler; “Enya, di piwarang ku Alloh, anjeun duaan kudu cicing didieu, Abah rek balik deui ka Palestina”. Siti Hajar nembe tiasa saat cisocana, margi upami disebatkeun piwarang Alloh, naon bae kedah ikhlas, rido, teu tiasa nawis deui.

Siti Hajar yakin, upami cicing didieu piwarangan Alloh pasti bakal pinanggih jeung kabagjaan, sanajan melalui rintangan sareng kondisi nu parah pisan, ti kawit milarian cai, milarian jalmi, dugi lulumpatan kaditu kadieu menta tulung ka manusa, teu aya nu nyampeurkeun, da memang teu aya jalmi kajabi anjeuna duaan, tapi Siti Hajar yakin, moal sapati-pati Alloh miwarang upami teu disarengan ku rohmat sareng kanyaahna.

Saba’da sababaraha taun Nabi Ibrohim sumping deui ka Mekah, anjeuna sasauran; “Istriku Hajar, Abah, ngimpen yen Abah kudu meuncit anak nu dipicinta, Ismail nu ngan hiji-hijina bari meunang hayang”. Saur Siti Hajar; “Upami paretah Alloh, moal aya nu dikoretkeun, bujeng-bujeng anak, dalah nyawa sorangan ge, mangga teh teuing, ikhlas rido, nyanggakeun sadaya-daya karena Alloh”.

Kitu deui Nabi Ismail; “Abah, manga geura laksanakeun piwarang Alloh, tutupan beungeut abdi bilih Abah teu tega ningal abdi sedih, sing seukeut pesona ngarah abdi teu ngaraos nyeri”. Yakin moal aya nu tega meuncit putrana nu soleh, nu bageur, nu kasep, kameumeut nu ngan hiji-hijina, bari di bandungan ku ibuna nu micinta, mikadeudeuh, mika heman. Tapi sadayana rido jeung ikhlas, tumarima sarta rela berkorban demi parentah Alloh Azza wajalla.

Allohu Akbar, Wa lillahil Hamd.

Ayeuna, upami bandingkeun sareng kahirupan urang, nu sapopoe ngagugulung dunya, sapopoe mikirkeun hirup jeung kahirupan, mikirkeun eusi beuteung jeung kamewahan, mikirkeun imah jeung mobil, mikiran meuli kuota jeung mayar pajeg motor.

Teu gaduh waktu khusus pikeun nyembah Alloh, teu aya waktu nu longgar pikeun khusyu’ ibadah ka Alloh. Urang mah sok ngaheulakeun karesep, dari pada ngalakukeun parentah Alloh, osok keneh ngaheulakeun ngurus budak batan sholat berjamaah ka masjid, ngaheulakeun ngumbah mobil batan wiridan jeung maca Quran, Allohu Akbar.

Naha teu sieun kitu ku ancaman Alloh?, dawuh Alloh;

وَأَنذِرِ ٱلنَّاسَ يَوْمَ يَأْتِيهِمُ ٱلْعَذَابُ فَيَقُولُ ٱلَّذِينَ ظَلَمُوا۟ رَبَّنَآ أَخِّرْنَآ إِلَىٰٓ أَجَلٍ قَرِيبٍ نُّجِبْ دَعْوَتَكَ وَنَتَّبِعِ ٱلرُّسُلَ ۗ أَوَلَمْ تَكُونُوٓا۟ أَقْسَمْتُم مِّن قَبْلُ مَا لَكُم مِّن زَوَالٍ

“Muhammad anjeun kudu mere peringatan ka kabeh manusa, dimana datang azab Alloh maranehna nu dolim ngaromong; “ke heula atuh Gusti, pasihan waktos sakedap mah abdi bade nyumponan parentah Gusti, sareng bade nuturkeun Kangjeng Rosul”. Saur Alloh; panan maraneh bareto geus sumpah; pajarkeun urang mah moal keuna siksa ku dosa kieu” (QS. Ibrohim 44)

حَتَّى إِذَا جَاءَ أَحَدَهُمُ الْمَوْتُ قَالَ رَبِّ ارْجِعُونِ (٩٩) لَعَلِّي أَعْمَلُ صَالِحًا فِيمَا تَرَكْتُ كَلا إِنَّهَا كَلِمَةٌ هُوَ قَائِلُهَا وَمِنْ وَرَائِهِمْ بَرْزَخٌ إِلَى يَوْمِ يُبْعَثُونَ (۱۰۰)

“Dimana geus datang maot, manehna ngomong; “Gusti wangsulkeun deui abdi ka dunya, yakin abdi bade ngalakukeun amal soleh, nambalan nu katinggaleun”. Dawuh Alloh; “Eta mah kalimah basa-basi, dagoan we di alam barzakh nepika hudang tikubur engke”.

Allohu Akbar, Wa lillahil Hamd.

Naha aya keneh nu wani ngalawan ka Alloh?, wani ngalawan kana parentah Alloh?, naha teu cukup jadi conto kaayaan ummat nu baraheula?.

Masih keneh ludeung ngong adzan, jongjon nyonyoo HP, kadenge nu takbir berjamaah, masih ngabaheuhay di warung caffec bari ngopi, masih khusyu’ nyangharepan sinetron dina TV.

Kagok gawe nepika teu malire kanu ngajak eling, komo nu kagok ulin, kagok rekreasi, kagok ngegym, meni asa sehat keneh olah raga dari pada sholat mayun ka Alloh. Asa rek panjang umur lamun nganggeuskeun badminton jeung tenis, dari pada buru-buru ngajugjug Masjid. Rarasaan teh ari sholat mah teu matak sehat, rasana ari sholat mah matak ruwet kana pikir, padahal saur Alloh;

أَلَا بِذِكْرِ اللَّهِ تَطْمَئِنُّ الْقُلُوبُ

“Sing inget, nu nengtremkeun hate ngan ukur Dzikir”

Moal manggih katenangan jiwa, kajembaran hate kajaba ku dzikir, mesing indit kaditu-kadieu, katempat nu rame, atawa ka tempat anu sepi hayang niiskeun pikir, moal.. moal manggih.., anggur geuwat dzikir ka Alloh, sholat, wiridan, maca qur’an, ngaji ka majlis taklim, ngariung jeung jalmi-jalmi anu saroleh, dijamin ku Alloh; Tatmainnul Qulub, jembar, tenang, aman jeung kondusif.

Ibnul Qoyim al-Jauziyyah nyaurkeun;

إِضَاعَةُ الْوَقْتِ أَشَدُّ مِنَ الْمَوْتِ لِأَنَّ إِضَاعَةَ الْوَقْتِ تَقْطَعُكَ عَنِ اللهِ وَالدَّارِ الْآخِرَةِ، وَالْمَوْتُ يَقْطَعُكَ عَنِ الدُّنْيَا وَأَهْلِهَا.

“Miceunan waktu jeung kasempetan eta leuwih bahaya dari pada kematian, sabab miceunan waktu eta megatkeun eling ka Alloh jeung ngajauhkeun tina perkara pi-akherateun. Sedengkeun kematian ngan ukur ngajauhkeun tina dunya jeung eusina”.

Dunya jeung eusina ukur tinggalkeuneun, isuk duka pageto bakal di tinggalkeun, meunang kukumpul mang taun-taun, meunang ngudag-ngudag nepika beak waktu beak umur, kabeh bakal di tinggalkeun malah ngan ukur jadi rebutan ahli waris. Tapi dzikir ka Alloh, eling kana yen diri diciptakeun ku Alloh pikeun ibadah bakal mawa kabagjaan dunya akherat.

Bade iraha deui urang sadaya balik ka Alloh, bade iraha deui urang ngagunakeun waktu jeung kasempetan pikeun ibadah, ayeuna, ayeuna, jeung ti ayeuna, urang sadaya niat dina hate sewang-sewangan, yen ti detik ieu, ti menit ieu, ti poe ieu, abdi bade ngagunakeun waktu pikeun mayun ka Alloh, abdi bade maksakeun pikeun ibadah ka Alloh, ti poe ieu abdi bade sholat awal waktu berjamaah, ti poe ieu abdi bade nyeueurkeun wiridan, nyeueurkeun dzikir ka Alloh, ti dinten ieu abdi bade getol maca Quran, ti dinten abdi bade leres-leres nyiar elmu, lebet ka majlis taklim, ngariung sareng anu saroleh, ngadu’a kalayan khusyu’.

Ya Alloh pangeran abdi, mugi Gusti masihan kakiatan ka abdi kanggo getol ibadah, masihan pitulung kanggo abdi tiasa angkat ka pangaosan, mugi dipasihan kajembaran kanggo maca Quran sareng dzikir ka Gusti.

Ya Alloh pangeran abdi, mugi Gusti masihan kasobaran ka abdi, kanggo mayunan panggoda syetan, sareng pangajak nafsu. Ya Alloh Ya Robbana, pasihan abdi kakiatan kanggo mayunan sagala rupi cobian ti Gusti. Ya Alloh, mugi Gusti masihan pitulung taufik sareng hidayah kanggo salamina abdi aya dina jalan anu sae mungguh Gusti, tiasa ibadah tiap waktos, tiasa dzikir unggal wengi, tiasa sholat lima waktu kalayan berjamaah. Ya Alloh kiatkeun abdi kanggo sholat tahajud unggal wengi, kiatkeun abdi tiasa sholat witir tiap wengi, kiatkeun abdi tiasa sholat duha dimana datang beurang, kiatkeun diri abdi kanggo wiridan tiap bada sholat, mayun kalayan khusyu’. Ya alloh, pasihan abdi ‘inayah sareng pitulung.

Ya Alloh, anu maha kawasa sareng maha bijaksana, abdi rumaos sok ngaheulakeun dunya batan akherat, Ya Allohu Robbuna wa Kholiquna, abdi rumaos sok talangke dina ibadah, abdi rumaos sok nga-akhir-akhir sholat, mugi Gusti ngahapunten ka abdi sadaya, abdi rumaos sok ngarumpak paharaman Gusti, rumaos kana syubhat di labrak nu makruh sumawona.

Mugi Gusti ngahapunten ka abdi sadaya nu teu tiasa hormat ka sasama, teu tiasa akur jeung tatangga, rumaos sok maseaan ka dulur jeung baraya. Ya Alloh mugi Gusti ngahapunten ka abdi sadaya, rumaos abdi sok nganyenyeri indung bapa, teu heman kana piwarangna, wantun ngahulag bahkan nyentak ka aranjeuna. Ya Alloh lungsurkeun rohmat sareng kanyaah Gusti kanggo abdi sadaya anu tukang dosa, lebetkeun abdi kana Surgana Gusti, tebihkeun abdi tina naraka, sareng tina sagala kalakuan anu matak ngagebruskeun abdi ka naraka. Ya Alloh mugi ngahapunten ka abdi sadaya, ka pun bapa, ka pun biyang anu ngurus abdi ti leuleutik, mugi dirohmat ku Gusti sapertos aranjeun tos mikanyaah ka abdi, hapunteh sadaya dulur-dulur abdi, baraya, tatangga sadayana, kitu deui guru-guru sareng muslimin muslimat sadaya, amin. Ya Alloh pangeran abdi mugi rohmat salam di dugikeun ka Kangjeng Nabi Muhammad saw.

بَارَكَ اللهُ لَنَا وَلَكُمْ فِي الْآياَتِ وَالذِّكْرِ الْحَكِيمْ، وَتَقَبَّلَ مِنَّا وَمِنْكُمْ تِلَاوَتَهُ إِنَّهُ جَوَادٌ كَرِيْمٌ رَّؤُوْفٌ رَّحِيْمٌ.

KHUTBAH KA 2

ألله أكبر ٧ x

اَلْحَمْدُ للهِ الْوَاحِدِ الْأَحَدِ، الَّذِي لَمْ يَلِدْ وَلَمْ يُوْلَدْ وَلَمْ يَكُنْ لَّهُ كُفُواً أَحَدٌ، نَحْمَدُ رَبَّناَ وَنَشْكُرُهُ عَلَى نِعَمِهِ وَآلَائِهِ الَّتِي لَا تُحْصَى وَلَا تُعَدّْ، أَشْهَدُ أَنْ لَّا إِلهَ إِلَّا اللهُ وَحْدَهُ لَا شَرِيْكَ لَهُ اَلْإِلهُ الصَّمَدُ، وَأَشْهَدُ أَنَّ نَبِيَّنَا وَسَيِّدَنَا مُحَمَّداً عَبْدُهُ وَرَسُوْلُهُ الدَّاعِيْ إِلَى سُنَن الرَّشَادِ، اللّهُمَّ صَلِّ وَسَلِّمْ وَبَارِكْ عَلَى عَبْدِكَ وَرَسُوْلِكَ مُحَمَّدٍ، وَعَلَى آلِهِ وَصَحْبِهِ ذَوِي الْفَضْلِ وَالسُّدَدِ.

أَمَّا بَعْدُ، فَيَا أَيُّهَاالْحَاضِرُونْ أُوْصِيْكُمْ وَإِيَّايَ بِتَقْوَى اللهِ فَقَدْ فَازَ الْمُتَّقُونْ. اَللّهُمَّ صَلِّ عَلَى سَيِّدِنَا مُحَمَّدٍ وَعَلى آلِهِ وَصَحْبِهِ أَجْمَعِينْ، آمِينْ ياَ رَبَّ الْعَالَمِيْنَ، اَللّهُمَّ اغْفِرْ لِلمُسْلِمِيْنَ وَالْمُسْلِمَاتِ وَالْمُؤْمِنِينَ وَالْمُؤْمِنَاتِ الْأَحْيَاءِ مِنْهُمْ وَالْأَمْوَاتِ، اَللّهُمَّ سَلِّمِ الْحُجَّاجَ وَالْمُعْتَمِرِينْ، وَرُدَّهُمْ إِلَى وَطَنِهِمْ سَالِمِينْ. اَللّهُمَّ سَلِّمْنَا وَالْمسْلِمِيْنَ وَعَافِنَا وَالْمُسْلِمِيْنَ، وَاكْفِنَا وَإِيَّاهُمْ شَرَّ مَصَائِبِ الدُّنْيَا وَالدِّينْ، اللَّهُمَّ أَصْلِحْ لَنَا دِيْنَنَا الَّذِي هُوَ عِصْمَةُ أَمْرِنَا، وَأَصْلِحْ لَنَا دُنْيَانَا الّتِي فِيْهَا مَعَاشُنَا، وَأَصْلِحْ لَنَا آخِرَتَنَا الّتِي إِلَيْهَا مَعَادُنَا، وَاجْعَلِ الْحَيَاةَ زِيَادةً لَّنَا فِي كُلِّ خَيْرٍ، وَاجْعَلِ الْمَوْتَ رَاحَةً لَنَا مِنْ كُلِّ شَرٍّ، اللَّهُمَّ اجْعَلْ خَيْرَ أَعْمَارِنَا آخِرَهَا، وَخَيْرَ أَعْمَالِنَا خَوَاتِمَهَا، وَخَيْرَ أَيَّامِنَا يَوْمَ لِقَائِكَ. اللَّهُمَّ اجْعَلْنَا أَغْنَى خَلْقِكَ بِكَ، وَأَفْقَرَ عِبَادِكَ إِلَيْكَ، وَهَبْ لَنَا غِنىً لاَ يُطْغِينَا، وَصِحَّةً لاَ تُلْهِيْنَا، وَاَغْنِنَا اللَّهُمَّ عَمَّنْ أَغْنَيْتَهُ عَنَّا، وَاجْعَلْ آخِرَ كَلاَمِنَا مِنَ الدُّنْيَا شَهَادَةَ أَنْ لاَ إِلَهَ إِلاَّ اللهَ وَأَنَّ مُحَمَّدًا رَّسُولُ اللهِ. اللَّهُمَّ ثَبِّتْنَا بِالقَوْلِ الثَّابِتِ فِي الحَيَاةِ الدُّنْيَا وَفِي الآخِرَةِ يَا أكرَمَ الْأَكْرَمِينْ، وَيَا أَرْحَمَ الرَّاحِمِينْ. وَالْحَمْدُ للهِ رَبِّ الْعَالَمِيْنَ.

عِبَادَ اللهْ، إِنَّ اللَّهَ يَأْمُرُ بِالْعَدْلِ وَالْإِحْسَانِ وَإِيتَاءِ ذِي الْقُرْبَىٰ وَيَنْهَىٰ عَنِ الْفَحْشَاءِ وَالْمُنْكَرِ وَالْبَغْيِ ۚ يَعِظُكُمْ لَعَلَّكُمْ تَذَكَّرُونَ. وَلَذِكْرُ اللهِ أَكْبَرْ، وَاللهُ يَعْلَمُ مَا تَصْنَعُوْنَ.

101Asep Ksv dan 100 lainnya

1 Komentar

26 Kali dibagikan

Suka

Komentari

Bagikan

Pangwales Amal di Aherat

السَّلاَمُ عَلَيْكُمْ وَرَحْمَةُاللهِ وَبَرَكَاتُهُ الْحَمْدُالِلهِ الَّذِى اَخْرَجَنَامِنْ ظُلُمَ تِ الْجَهْلِ اِلَى نُوْرِالعِلْمِ وَاْلاِيْمَانِ وَاَشْكُرُهُ شُكْرًاجَزِيْلاًفِى طُوْلِ اْلزَمَانِ،اَشْهَدُاْنْ لاَاِلَهَ اِلاَّاللهُ وَاَشْهَدٌاَنَّ مُحَمّدًارَسُوْلُ اللهِ شَهَادَةًتُوْقِنُ قُلُوْبَنَابِتَصْدِيْقِ مَااَخْبَرَنَامِنَ اللهِ الْعَزِيْزِالرَّحْمَنِ وَتُنْجِيْنَامِنَ اْلاَهْوَالِ وَاْلاَغْيَارِوَاْلاَشْبَاهِ فِكُلِّ اْلاَحْيَانِ،وَصَلَّى اللهُ عَلَ سَيِّدِنَامُحَمَّدٍالصَّادِقِ اْلمَصْدُوْقِ ذِالْقُدْوَةِالتَّامَّةِلِجَمِيْعِ اْلاِنْسِ وَالْجَانِ وَعَلَى اَلِهِ وَاَصْحَابِهِ الَّذِيْنَ يُجَاهِدٌوْنَ فِيْ سَبِيْلِ الْخَيْرَاتِ لِيَنَالُوْاالْفَضْلَ وَالتَّقَ وَالْعِرْافَانَ.فَيَاعِبَادَاللهِ اُوْصِيْكُمْ وَاِيَّايَ بِتَقْوَى اللهِ حَقَّ تَقْوَاهُ فِي جَمِيْعِ اَوْقَاتِ وَاْلاَزْمَانِ. اَعُوْذُبِاللهِ مِنَ الشَيْطَانِ الرَّجِيْمِ فَاَمَّامَنْ طَغَ.وَاَلثَرَالحَيَاةَالدُّنْيَا.فَاِنَّ الْجَحِيْمَ هِيَ الْمَأْوَ.وَاَمَّامَنْ خَافَ مَقَامَ رَبِّهِ.وَنَهَى النَّفْسَ عَنِ الْهَوَى.فَاِنَّ الْجَنَّةَهِيَ الْمَأْوَى.

Para hadirin sadaya, Gusti Allah ngadamel sugrining mahluk-Na teh sajodo-sajodo. aya lalaki, aya awewe, aya beurang aya peuting, aya hirup aya maot, aya alam dunya pasti bakal aya alam aherat Ayeuna urang aya di alam dunya, sakeudeung deui bakal nyorang alam aherat. Samemeh nyorang aherat, urang bakal nyorang maot asup ka alam kubur. Ari maot teh nya eta papisahna jasad sareng roh. Maot teh panyeepan kanyeri, margi kumpul sadaya kanyeri, kanyeri tina panyakit, kanyeri bakal papisah jeung kulawarga, papisah jeung harta, papisah jeung dunya. Henteu aya anu dibantun ka alam kubur salian ti boeh sareng amal urang anu pangwalesanana bakal ngawitan karaos, ni'mat atawa siksaanana.  Ngaraoskeun eta pangwalesan sanes sapoe, sanes sataun, sanes sapuluh taun, tapi salalawasna kenging kani'matan pikeun anu beramal soleh, oge salawasna kenging siksaan pikeun kapir atawa anu tukang masiat mah. Ku ayana kitu mangga kantun milih bae, hayang kanana urang engke?

 

Para hadirin sadaya, Sarat mutlak geusan ngengingkeun kani'matan aherat nya eta maot ngabantun iman, nya eta nalika urang bade ngaleupaskeun nyawa teh ditungtungan ku maca Laa ilaaha illallah. Dawuhan Kanjeng Nabi saw:

 مَنْ كَانَ اَخِرُاكَالاَمِهِ لاَاِلَهَ اِلاَّاللهُ دَخَلَ الْجنَّةَ

Hartosna: "Saha jalma anu ahir ucapanana maca: Laa ilaaha illallah, tangtu bakal asup ka surga."

 

Para hadirin sadaya, Pikeun maot ngabantun iman sarta panungtungan ucapanku La ilaaha illallah eta teh sanes padamelan enteng, namung padamelan abot, margi dina waktu sakarat maot teh urang baka digoda ku setan sangkan urang maot bari henteu iman. - Na'udru billahi min dzalik. 

 

Ku margi kitu sangkan urang maot ngabantun iman, teu aya deui jalan anu pangutamana sajaba ti kedah sering eling (dikir) ka Gusti Allah ti ayeuna keneh, tegesna kedah dibiasakeun dina nalika bungah sangkan urang sukuran ka Gusti Allah, komo nalika aya dina musibat/kasusah mah kedah sering muntang tulung ka Mantenna ulah ka sasaha, sangkan Gusti Allah masihan topek sarta ngaijabah kana doa urang. Pidawuh Allah:

 رِجَلٌل لاَّتُلْهِيْهِمْ تِجَارَةٌوَّلاَبَيْعٌ عَنْ ذِكْرِاللهِ

Hartosna: "Ari jalma anu diangken hamba Allah teh) nya eta jalma-jalma anu tara katungkulkeun ku usaha jeung jual-meuli dina dikirna ka Allah teh.” Pendeknamah sanajan bari usaha. digawe naon bae oge tetep bari inget ka Gusti Allah. Para hadirin sadaya, Saparantos maot urang sadaya bakal nyorang alam kubur atawa alam barzakh. Di alam barzakh urang sadaya bakal kenging patarosan ti Malaikat Munkar jeung Nakir, dua Malaikat anu rupina pikasieuneun pisan. Sakur jalma anu tiasa ngajawab kana patarosanana, cirina bakal bagja di aheratna sarta terus bakal narima kani'matan kubur Sawangsulna upamana henteu tiasa nga jawab, cirina bakal cilaka di aheratna sarta terus narima siksa kubur. Perlu diemutkeun yen tiasa atawa henteuna ngajawab patarosan Malaikat teh gumantung kana sae/awonna amal urang. Upami sae amalna tinangtu tiasa ngawaler, upami tukang masiat tinangtu moal tiasa ngawaler. Moal tiasa diapalkeun jawabanana ti ayeuna, ari kana ibadahna ngedul mah.  Para hadirin sadaya, Perlu diemutkeun deui, yen siksaan di naraka teh siksaan anu sagala kaayaanana tina seuneu, siksaan anu maha hebat. Nya kitu deui kani'matan di surga teh kani'matan anu henteu aya hinggana raosna tur abadi. Dawuhan Allah:

 هَلْ اَتَاكَ حَدِيْثُ الْغَاشِيَةِ.وُجُوْهٌ يَوْمَئِذٍخَاشِيْعَةٌ.عَامِلَةٌنَاصِبَةٌتَصْلىَ نَارًاحَامِيَةً.تُسْقَى مِنْ عَيْنٍ اَنِيَةٍ.لَيْسَ لَهُمْ طَعَامٌ اِلاَّمِنْ ضَرِيْعٍ.لاَيُسْمِنُ وَلاَيُغْنِى مِنْ جُوْعٍ.وُجٌوْهٌ يَوْمَئِذٍنَاعِمَةٌ.لِسَعْيِهَارَاضِيَةٌ.فِى جَنَّةٍعَالِيَةٍ.لاَتَسْمَعُ فِيْهَالاَغِيَةً

Hartosna: "Naha geus datang ka andika beja kajadian anu hebat? Dina poe eta pirang-pirang beungeut anu tarungkul (harina). Anu digarawe cape (nararik rante beusi bari dibelenggu). Maranehna arasup kana seuneu naraka anu pohara panasa. Dibere nginumna tina sirah cai anu pohara panasna Maranehna henteu meunang kadaharan salian ti tangkal dore anu carucukan. Anu teu matak lintuh, teu ngaleungitkeun lapar. Aya deui mangpirang-pirang beungeut jalma anu sukan-sukan dina poe eta teh. Ngarasa bungah ku amalna waktu di dunya Arayana di jero sawarga anu luhur. Di jerona andika moal ngadenge omongan anu teu aye gunana. DI jerona aya sirah cai anu ngocor, ranjang anu diluhurkeun jeung disadiakeun pirang-pirang gelas, bantal sarandean anu disusun, arempuk Jeung alketip unu diamparkeun "(S. Al-Gosyiyah). Para hadiri saya, Urang sadaya bakal disuhunkeun pertanggungan jawab sadaya amal urang. sae atanapi awona, nya kitu deui ngeunaan kana atikan urang ka kulawarga urang ayeuna. Upami urang sok ngatik ka kulawarga sasarengan dina ibadah, tinangtu bakal kempel sadayana di sawarga, sakumaha pidawuh Allah:

 وَالَّذِيْنَ اَمَنُوْاوَاتَّبَعَتْهُمْ ذُرِّيَّتَهُمْ بِاِيْمَانٍ اَلْحَقْنَابِهِمْ

"Ari jalma-jalma anu mu'min anu dituturkeun ku anak pamajikanana dina kaimanan (katakwaan). tinangtu Kaula bakal ngumpulkeun maranehanana sabondoroyot jeung moal ngurangan kana amalna saeutik oge. (Tegesna bakal diadarajarkeun). (S.Thur: 21) Upama jalma antepan ka kulawarga tara ngadidik/ngatik kana ibadah, engkena bakal silih dakwa, bakal silih jauhan sabab sieun didakwa tea. Dawuhan Allah:

 يَوْمَ يَفِرُّالْمَرْءُمِنْ اَخِيْهِ.وَاُمِّهِ وَاَبِيْهِ.وَصَاحِبَتِهِ وَبَنِيْهِ

Hartosna: “(poe kiamah teh) poean jelema jelema ngajauhan ti dulurna, ti indung bapana, ti sobatna jeung anak- anakna." Para hadirin sadaya, Mangga pek perhatoskeun kaayaan ayeuna oge di dunya, upami rumah tangga jalmi anu takwa mah sok tengtrem, silih pikanyaah, silih pikadeudeuh, silih belaan sareng sasama kulawargi teh.  Sawangsulna rumah tangga jalmi anu henteu takwa sok kucrut, sok silih carekan, silih bongohan, malah aya anak anu silih wantun nyiksa ka sepuhna. Mangga kantun ngemut, hoyong ka mana di aherat teh? Upama palay ka surga, getolan ibadahna kantunkeun masiatna.

باَرَكَ اللَّهُ لِى وَلَكُمْ بِالاْاَيَاتِ وَالذِّكْرِالْحَكِيْمِ وَتَقَبَّلَ مِنِّ وَمِنْكُمْ تِلاَوَتَهُ اِنَّهُ هُوَاللسَّمِيْعُ الْعَلِمُ وَقُل رَبِّ اغْفِرْوَارْحَمْ وَاَنْتَ خَيْرُالرَّحِمِيْنَ. 

Khutbah II

 

اَلْحَمْدُ للهِ رَبِّ الْعَالَمِيْنَ، وَبِهِ نَسْتَعِيْنُ عَلَى أُمُوْرِ الدُّنْيَا وَالدِّيْنِ. أَشْهَدُ أَنْ لاَ إِلهَ إِلاَّ اللهُ وَحْدَهُ لاَ شَرِيْكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُوْلُهُ. اللّهُمَّ صَلِّ عَلَى سَيِّدِنَا مُحَمَّدٍ وَعَلَى ألِهِ وَأَصْحَابِهِ أَجْمَعِيْنَ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ. أَمَّا بَعْدُ، فَيَا عِبَادَ اللهِ أُوْصِيْكُمْ وَنَفْسِيْ بِتَقْوَى اللهِ فَقَدْ فَازَ الْمُتَّقُوْنَ، وَأَحُثُّكُمْ عَلَى طَاعَتِهِ لَعَلَّكُمْ تُرْحَمُوْنَ. قَالَ اللهُ تَعَالَى فِيْ اْلقُرْآنِ الْكَرِيْمِ: يَاأَيُّهَا النَّاسُ اعْبُدُوا رَبَّكُمُ الَّذِي خَلَقَكُمْ وَالَّذِينَ مِنْ قَبْلِكُمْ لَعَلَّكُمْ تَتَّقُونَ، وَقاَلَ رَسُوْلُ اللهِ صَلَّى اللهُ عَلَيْهِ وَسَلَّمَ: اتَّقِ اللَّهِ حَيْثُمَا كُنْتَ وَأَتْبِعْ السَّيِّئَةَ الْحَسَنَةَ تَمْحُهَا وَخَالِقِ النَّاسَ بِخُلُقٍ حَسَنٍ. صَدَقَ اللهُ الْعَظِيْمُ وَصَدَقَ رَسُوْلُهُ النَّبِيُّ الْكَرِيْمُ وَنَحْنُ عَلَى ذلِكَ مِنَ الشَّاهِدِيْنَ وَالشَّاكِرِيْنَ وَالْحَمْدُ ِللهِ رَبِّ الْعَالَمِيْنَ. اَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآءُ مِنْهُمْ وَاْلاَمْوَاتِ اللهُمَّ أَعِزَّ اْلإِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيَّةَ وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ أَعْدَاءَالدِّيْنِ وَاعْلِ كَلِمَاتِكَ إِلَى يَوْمَ الدِّيْنِ. اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتْنَةِ وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. رَبَّنَا ظَلَمْنَا اَنْفُسَنَاوَاِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ. عِبَادَاللهِ ! إِنَّ اللهَ يَأْمُرُنَا بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوااللهَ

KHUTBAH JUM'AT 2022

 

اَلْحَمْدُ لِلَّهِ اَرْشَدَنَا اِلَى طَاعَتِهِ . اَشْهَدُ اَنْ لَّا اِلَهَ اِلَّا اللهُ وَحْدَهُ لَا شَرِيْكَ لَهُ وَ اَشْهَدُ اَنَّ سَيِّدَنَا وَنَبِيَّنَا مُحَمَّدًا عَبْدُهُ وَرَسُوْلُه ُ. اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِهِ وَصَحْبِهِ وَالتّاَبِعِيْنَ وَ تَابِعِهِمْ مِمَّنِ اتَّبَعَ هُدَاهُ . اَمَّا بَعْدُ : فَيَا عِبَادَ اللهِ اِتَّقُوْا اللهَ حَقَّ تُقَاتِهِ وَ لَا تَمُوْتُنَّ اِلَّا وَ اَنْتُمْ مُسْلِمُوْنَ . اَعُوْذُ بِاللهِ مِنَ الشَّيْطَانِ الرَّجِيْمِ وَقَالَ رَبُّكُمُ ادْعُونِي أَسْتَجِبْ لَكُمْ إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ

 

            Hadirin Ahli Jum`ah, Rahimakumullah !.

 

            Allah SWT parantos nganjurkeun ka sakumna ummat muslimin sareng muminin kedah ngadu`a ka Mantenna, margi du`a teh nawiskeun kayakinan diri yen teu aya makhluk anu tiasa ngadamel bukti, nawiskeun diri teu walakaya sareng teu tiasa nanaon, du`a teh nawiskeun kalaipan sareng pangakuan yen manusa salamina peryogi ku Gusti Allah. Sarta janten kayakinan ummat islam yen dina ngudag cita-cita sakadar dipasihan tiasa kasab sareng ihtiar, ari hasil henteuna mah gumantung kana pangersa Allah.

 

            Peryogina ngadu`a ka Allah SWT teh KAHIJINA kumargi dipawarang ku Mantenna sakumaha dina ayat Al-Qur`an anu tadi diaoskeun dina bubuka khutbah. KADUANA ngadu`ana ku anjeun mangrupi hiji rupi peribadahan. Pidawuh Rasulullah SAW :

اَاَلدُّعَاءُ هُوَ الْعِبَادَةُ

" Ari ngadua`a teh ibadah".

KATILUNA, Allah mikabendu ka jalmi anu tara ngadu`a ka Mantenna. Pidawuh Kanjeng Nabi SAW :

مَنْ لَمْ يَسْئَلِ اَللَّهُ يَغْضَبْ عَلَيْهِ

“ Saha jalmi anu teu nyuhunkeun ka Allah, maka Allah bendu ka eta jalmi “.{ HR Turmudzi - Fiqih Sunnah I, kaca 497 }.

 

Hadirin Rahimakumullah !.

Supados du`a langkung caket kana diijabah ku Gusti Allah, maka dina ngadu`a na kedah ngangge tatakarama. Diantawis tatakrama ngadu`a, sakumaha anu dijelaskeun dina Kitab Al-Adzkar An-Nawawiyyah, kaca 340-342, nyadur kasauran Imam Al-Gozali, diantawisna nyaeta :

KAHIJI, milari waktos anu aya kakhususan saena eta waktos, sapertos dintenan `Arofah, sasih Ramadlan, dinten juma`ah, sapertilu wengi anu akhir.

KADUA, mangpang-meungpeung nuju dina kaayaan anu mulya, sapertos nalika sujud, tengah-tengah campuhna perang ngalawan musuh-musuh Allah, nalika turun hujan ngagebret, waktos antara adzan sareng qomat, nalika hate nuju lemah lembut.

KATILU, ngadu`a bari mayun ka kiblat { Ka`bah }, margi kiblat teh pangsae-saena arah, bari ngangkat dua panangan sareng ngusap raray ku eta dua panangan sarengsena ngadu`a. Pidawuh Kanjeng Nabi Muhammad SAW anu pihartoseunna :

“Dimana-mana aranjeun nyuhunkeun ka Allah, pek nyuhunkeunna bari ngangge dampal panangan aranjeun, ulah ku tonggongna, sarta ulah waka mulangkeun eta dampal panangan kana tempat asalna sahingga aranjeun ngusapkeun heula dampal panangan kara raray aranjeun, da sayaktosna Allah ngajadikeun { nyimpen } kabarokahan dina eta dampal panangan “.

KAOPAT, soanten du`ana sineger tengah, teu tarik teuing teu laun teuing. Sanes berarti Gusti Allah kirang dangu atanapi teu uninga kereteg manah. Namung kitu piwarangan Gusti Allah.

(#qãã÷Š$# öNä3­/u‘ %Yæ•Ž|Øn@ ºpuŠøÿäzur 4 ¼çm¯RÎ) Ÿw =Ïtä† šúïωtF÷èßJø9$# ÇÎÎÈ  

KALIMA, depe-depe, sing khusyu, disarengan rasa sieun ku Allah.

اِنَّـهُمْ كَانُوا يُسَارِعُونَ فِي الْخَيْرَاتِ وَيَدْعُونَنَا رَغَبًا وَرَهَبًا وَكَانُوا لَنَا خَاشِعِينَ

"Saestuna maranehna teh jalma-jalma anu paheula-heula dina ngalampahkeun kahadean jeung maranehna ngadaru`a ka Kami kalawan pangharepan jeung kawedi".

KAGENEP, kedah keukeuh ngadu`ana, dibulak-balik, teu kenging ngaraos Allah telat ngabulkeun du`a, atanapi mang-mang kana ijabahna.

KAGENEP, ngadu`a na dikawitan sareng dipungkas ku dzikir ka Allah nyaeta maos shalawat sareng pujian ka Allah.

 

Hadirin Anu Mulya !

Disagedengeun urang ngadu`a nyalira, sae sareng kacida peryogina nyeueurkeun nyuhunkeun didu`akeun ku jalmi-jalmi. Pidawuh Kanjeng Nabi SAW :

اِسْتَكْثِرْ مِنَ النَّاسِ مِنْ دُعَاءِ الْخَيْرِ لَكَ فَاِنَّ الْعَبْدَ لَا يَدْرِى عَلَى لِسَانِ مَنْ يُسْتَجَابُ لَهُ اَوْ يُرْحَمُ

“ Lobakeun ku anjeun nyuhunkeun du`a anu sae ti jalmi-jalmi, saenya saurang hamba teu apal dina lisan saha anu diijabah pikeun manehna atawa dipikanyaah “.

 

            Oge dimana-mana urang janten iman dina ngadua sarta di aminan ku jamaah, maka teu kenging ngahususkeun ngadu`a kanggo nyalira wungkul, margi cara kitu kalebet hianat ka jamaah. Pidawauh Kanjeng Nabi SAW :

لَا يَؤُمُّ عَبْدٌ قَوْمًا فَيَخُصُّ نَفْسَهُ بَدَعْوَةٍ دُوْنَهُمْ فَاِنْ فَعَلَ ذَالِكَ فَقَدْ خَانَهُمْ

“ Saurang hamba ulah ngimaman { mingpin } hiji kaom, tuluy manehna ngahususkeun jang dirina sorangan dina ngadu`ana, tanpa ngadoa jang ka kaomna. Maka lamun kitu kalakuan ngadoana, tetela eta si imam tos ngahianati kaomna “. { Kifayatul Akhyar, Juz I, kaca 114 }.

            Muga-muga urang sadaya kalebet jalmi-jalmi ahli ngadu`a ka Gusti Allah bari disarengan ijabah oge ridho Mantenaa. Aamiin !

 

بَارَكَ اللهُ لِيْ وَلَكُمْ فِيْ الْقُرْآنِ الْعَظِيْمِ وَنَفَعَنِيْ وَ اِيَّاكُمْ بِمَا فِيْهِ مِنَ الْآيَاتِ وَالذِّكْرِ الْحَكِيْمِ وَتَقَبَّلَ مِنِّيْ وَمِنْكُمْ تِلاَوَتَهُ اِنَّهُ هُوَ الْغَفُوْرُ الرَّحِيْمُ