الحمد لله الذي أخرجنا من الظلمات إلى النور، وأبعدنا من الكفر والجور، وأرصد لمن آمن به وعمل صالحا بالجنّة والخور، وجعلنا من الصالحين المتقين بالله الغفور، أشهد أن لا إله إلا الله الواحد القهار، وأشهد أن محمدا رسول الله المصطفى الأخيار والصلاة والسلام على خير خلق الله، سيدنا محمد ابن عبد الله، الذي بعثه الله إلى الجن والإنس كافة، وعلى آله وأصحابه الذين اتبعوا هداه، صلاة وسلاما دائمين متلازمين إلى يوم تلقاه أما بعد، فيا من رجا رضوان الله، اتقوا الله حق تقواه، لأن الجنة أعدت لمن اتقاه، قال الله تعالى في كتابه المبين، أعوذ بالله من الشيطان الرجيم بسم الله الرحمن الرحيم يوم لا ينفع مال ولا بنون إلا من أتى الله بقلب سليم
Hadirin sidang jum'ah rohimakumulloh ! Sim kuring salaku khotib umajak ka sadayana mangga urang sami sami ningkatkeun kualitas jeung kuantitas ibadah urang ka Alloh Ta'ala, margi urang diciptakeun, dipasihan hirup jeung kahuripan teh teu aya deui iwalti pikeun ngabdikeun diri ka Alloh Ta'ala. Kanggo ningkatkeun kualitas ibadah ka Alloh, supados diri henteu lali kana purwadaksi, sangkan diri henteu kamalinaan dialam pawenangan, Rosululloh SAW. Masihan opat nasehat,
sakumaha pidawuhna ka Abu Dzar Al-Ghiffari
جدد السفينة فإن البحر عميق .1
Weuteuhkeun parahu, sabab lautan anu rek di ambah teh kacida pisan jerona.
Maksadna yen kahirupan akherat anu bakal di sorang ku sadaya ummat teh kacida pisan rumpilna, kacida hese jeung beuratna, pikeun ngambah eta kahirupan, maka sadaya jalmi kedah gaduh kendaraan.
Ari kendaraan pikeun ngambah ka akherat nyaeta amal ibadah, Rosululloh ngadawuhkeun ,weuteuhkeun parahu جدد السفينة
hartosna dina ngalaksanakeun ibadah teh ulah asal asalan, Contoh sholat ulah asal prak bari henteu merhatoskeun kana syarat ruku'nna bahkan sareng syarat qobulna, sapertos jalmi anu gaduh kendaraan, upami kendaraan hoyong sae, hoyong raoseun dianggona kedah rutin di servis, komo upami aya anu karaos ulah di antep dugika mogokna.
Nyakitu deui amal ibadah ge kedah sering di servis, sholat kedah sering didangdosan, sering diperhatoskeun.
خذ الزاد كاملاً فإن السفر بعيد .2
Siapkeun bekel nu sampurna sabab perjalanan ka akherat teh Kacida jauhna.
Hadirin sidang jum'ah rohimakumulloh ! Hirup di dunya teh ngan saliwat, moal lila ge di sampeur ku malaikat, dunya lain tempat pangabetah, dunya lain tempat anu tuma'ninah, lain tempat anu merenah, ni'mat di dunya ngan sajorelat, tapi kahirupan anu lana mah di alam baqa, hirup anu sanyatanamah di akherat, kumargi kitu mu'minin kedah bebekelan ti ayeuna sampeureun jaga di yaumil jaza. Ari bekel anu paling utama teu aya deui iwalti taqwa ka Alloh Ta'ala, sakumaha pidawuhna
........وتزودوا فإن خير الزاد التقوى
Aranjeun kudu bebekelan, jeung saenyana bekel anu paling utama teu aya deui iwalti taqwa ka Alloh Ta'ala, ..........
QS. Al-baqoroh 197
خفف الحمل فإن الصعد كلود .3
Tong sagala di bawa sabab tanjakan nu bakal di sorang teh kacida pisan nanjeurna.
Kahirupan anu bakal dijalani ku sakabeh ummat manusa teh kacida pisan seueurna jeung kacida beuratna, ti kawit alam kubur, pertanyaan di kubur, ba'ats, hisaban, shirot, mizan, mauqif jeung sajabana, kulantaran kitu supaya hampang himping di akherat, maka ti ayeuna kosongkeun hate tina masalah dunyawiyyah, tapi sanes berarti ulah gaduh dunya, sanes ulah gaduh harta banda sareng kakayaan, ngan sagala nu di pimilik sareng sagala urusan dunya tong dilebetkeun kana hate, nu aya dina hate mah cekap Alloh jeung rosulna, sabab lamun sagala rupa diasupkeun kana hate bakal riweuh, malahan bakal nyita waktu kana ibadah, padahal Alloh ngadawuh
يوم لا ينفع مال ولا بنون إلا من أتى الله بقلب سليم
Di akherat dina poe pangwalesan, harta kakayaan jeung anak pamajikan teu jadi jaminan kana kasalametan, ngan hate anu pinuh ku kaimanan jeung kataqwaan nu jadi jaminan kana kasalametan.
QS. Asy-Syu'aro 89-90
أخلص العمل فإن الناقد بصير 4
Ikhlaskeun sadaya amal amalan, sabab Dzat anu Maha Waspada salamina ningali jeung nalingakeun.
Ari amal ibadah teh lir boneka, ngajanteng teu aya nyawaan, ari nyawana eta amal teh nyaeta ikhlas, sabab sadaya amal amalan moal di qobul ku pangeran lamun henteu dibarengan ku ikhlas karana Alloh, sakumaha pidawuh Rosululloh SAW.
الناس كلهم هلكي إلا العالمون والعالمون كلهم هلگی إلا العاملون والعاملون كلهم هلكي إلا المخلصون
Sadaya manusa bakal ruksak kajaba jalma anu berilmu, jalma berilmu ge bakal ruksak kajaba anu beramal, anu beramal ge bakal ruksak kajaba jalma anu ikhlas dina amalna.
Ari ikhlas teh nyaeta ngalaksanakeun ibadah karana Alloh, ibadah sanes ngahontal tujuan kadunyaan, ibadah sanes ku pedah aya harepan, tapi ibadahna leres leres seja ngalaksanakeun parentah Alloh sangkan tiasa ngahontal karidoan Mantenna.
Hadirin sidang jum'ah rohimakumuloh !
Mudah-mudahan ieu khutbah janten tadzkiroh, janten pepeling ka urang sadaya sangkan urang sadaya tiasa leres leres ngabdikeun diri ka Alloh Ta'ala, ngagunakeun umur anu sesa pikeun ibadah ka Mantenna sangkan janten bekel sampeureun jaga di yaumil jaza.
بارك الله لي ولكم بالقرآن العظيم ونفعني واياكم بما فيه من الآيات والذكر الحكيم وتقبل مني ومنكم تلاوته انه هو السميع العليم وقل رب اغفر وارحم وأنت أرحم الراحمين
Tidak ada komentar:
Posting Komentar