اَلْحَمْدُ لِلَّهِ الَّذِيْ وَعَدَ مَنْ اَطَاعَهُ بِجَزِيْلِ الثَّوَابِ وَ اَوْعَدَ مَنْ عَصَاهُ وَ خَالَفَهُ اَشَدَّ الْعَذَابِ . اَشْهَدُ اَنْ لَّا اِلَهَ اِلَّا اللهُ وَحْدَهُ لَا شَرِيْكَ لَهُ. وَ اَشْهَدُ اَنّ مُحَمَّدًا عَبْدُهُ وَرَسُوْلُهُ . اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ خَاتَمِ النَّبِيِّيْنَ وَ اِمَامِ الْمُرْسَلِيْنَ وَعَلَى آلِهِ وَاَصْحَابِهِ وَ التَّابِعِيْنَ لَهُمْ بِاِحْسَانٍ اِلَى يَوْمِ الْمَآَبِ . اَمَّا بَعْدُ فَيَا عِبَادَ اللهِ اِتَّقُوْا اللهَ بِامْتِثَالِ اَوَامِرِهِ وَاجْتِنَابِ نَوَاهِيْهِ فَقَدْ فَازَ الْمُتَّقُوْنَ . اَعُوْذُ بِاللهِ مِنَ الشَّيْطَانِ الرَّجِيْمِ : اِنَّ اللهَ عِنْدَهُ عِلْمُ السَّاعَةِ ج وَ يُنَزِّلُ الْغَيْثَ ج وَ يَعْلَمُ مَا فِى الْاَرْحَامِ قلى وَ مَا تَدْرِيْ نَفْسٌ مَّا تَكْسِبُ غَدًا قلى وَ مَا تَدْرِيْ نَفْسٌ بِاَيِّ اَرْضٍ تَمُوْتُ قلى اِنَّ اللهَ عَلِيْمٌ خَبِيْرٌ
" Saestuna Alloh, nya di Anjeunna ayana pangaweruh perkara kiamat jeung Anjeuna anu nurunkeun hujan, sarta Anjeunna anu uninga kana eusi kandungan jeung henteu aya saurang oge anu nyaho naon anu bakal diusahakeun ku manehna isukan jeung henteu aya saurang oge anu nyaho bakal di taneuh mana manehna maot, saestuna Alloh teh Maha Uningan Maha Tingali"
Hadirin Ahli Jum`ah, Rahimakumullah !.
Dugi ka dinten ayeuna urang masih ageung angkeuhan yen yuswa masih panjang, maot masih keneh tebih, sanaos teu uninga iraha maot bakal sumping, bari saleresna maot ngukuntit urang. Tatangga maot, baraya perlaya, sobat medok tilar dunya, tapi rarasaan keukeuh giliran urang mah lami keneh, padahal yakin yen urang oge bakal kagiliran. Kumargi gaduh angkeuhan hirup masih panjang, sering ngalahirkeun ucap rengkak pari polah kawas jalmi anu moal maot.
Hirup urang ibarat lilin, hurung ngan sakedap, malih teu sawengi-wengi acan, unggal menit lilin leeh ngirangan, laun-laun seep caangna, pareum. Beuki lami jatah umur ngurangan, duka sabaraha taun, bulan atanapi sabaraha dinten deui urang hirup di alam dunya.
Hakekatna kahirupan manusa teu aya akhirna, maot sanes nutup kahirupan, tapi maot mangrupa panto geusan muka kahirupan anu anyar bari moal aya akhirna. Sanggeus maot manusa bakal nyorang kahirupan anu panjang, bari teu tiasa amal, tapi narima sareng ngabalitungkeun hasil amal sareng laku lampah di dunya anu hirup ngan sakilat sakolepat ibarat anu ngumbara atanapi anu nuju meuntas jalan.
Sapantesna, mun ti kiwari urang tos siap-siap ngagunakeun sagala kasempetan kanggo amal ibadah. Kanjeng Rasulullah SAW parantos ngadawuhkeun :
اِغْتَنِمْ خَمْسًا قَبْلَ خَمْسٍ شَبَابَكَ قَبْلَ هَرَمِكَ وَصِحَّتَكَ قَبْلَ سَقَمِكَ وَفَرَاغَكَ قَبْلَ شُغْلِكَ وَ غِنَاكَ قَبْلَ فَقْرِكَ وَحَيَاتَكَ قَبْلَ مَوْتِكَ
" Alap untung ku anjeun lima perkara samemeh datang lima perkara deui: 1. kangoraan samemeh anjeun datang kolot, 2 kajagjagan samemeh datang kenyeri, 3. kasalsean samemeh datang kariweuh, 4. kabeungharan samemeh datang kamiskinan, 5. hirup samemeh datang maot". { Nashaoihul `Ibada kaca 34 }.
Amal soleh di alam dunya ayeuna anu bakal teras marengan tur bakal nulungan ka urang jaga.
Hadirin Anu Mulya !.
Amal soleh meungpeung sehat samemeh sumping nu ngahalangan kana amal ibadah, da ari nuju teu damang mah karaos kirang tuma`ninah, kirang sampurna. Meungpeung gaduh harta, aya langkung tina kaperyogian anu wajib, seueurkeun sodakoh jariyah, sumawona zakat supami tos dugi nisob, sateuacan keuna ku karuksakan mangrupi bangkrut pailit. Meungpeung hirup, da ari tos maot bakal hanjakal anu teu aya gunana. Meungpeung nyalse { masih aya di dunya }, da ari tos sumping kariweuh mah { awalna di lebet kuburan } tos moal kabujeng. Ieu ngandung hartos, sakumaha riweuh, raripuh, carape oge di dunya mah disebatna nyalse, da anu dimaksad rariweuh teh nyaeta pakewuhna kiyamat anu awal tempatna nyaeta di lebet kubur.
فَهَاذِهِ الْخَمْسَةِ لَا يُعْرَفُ قَدْرُهَا اِلَّا بَعْدَ زَوَالِهَا
“ Ieu anu lima { kangoraan, sehat, kabeungharan hirup sareng karinehan} teh moal leres-leres karaos hargana kajabi saupami tos teu aya “.{ Nashaoihul `Ibada kaca 34 }.
Hatim Al-`Ashom nyaurkeun :
اَرْبَعَةٌ لَا يَعْرِفُ قَدْرَهَا اِلَّا اَرْبَعَةٌ : قَدْرُ الشَّبَابِ لَا يَعْرِفُهَا اِلَّا الشُّيُوْخُ وَ قَدْرُ الْعَافِيَةِ لَا يَعْرِفُهَا اَهْلُ الْبَلَاءِ وَ قَدْرُ الصِّحَّةِ لَا يَعْرِفُهَا اِلَّا الْمَرْضَى وَ قَدْرُ الْحَيَاةِ لَا يَعْرِعُهَا اِلَّا الْمَوْتَى
“ Opat rupa anu teu tiasa nganilai sareng ngaraoskeunna kajabi anu opat deui :Harga kangoraan kajaba kunu tos sepuh, kasehatan kajaba kunu teu damang, harga kasalametan kajaba ku jalmi anu keuna musibah, harga hirup kajaba ku anu tos maot. { Tanbihul Ghafilin, kaca 9 }.
مَنْ لَّمْ يَعْرِفْ قَدْرَ النِّعَمِ بِوُجْدَانِهَا عَرَفَهَا بِوُجُوْدِ فُقْدَانِهَا
“ Saha jalma anu teu { apal} ngarasakeun harga nikmat nalika ayana nikmat, maka manehna bakal ngarasakeun harga nikmat teh nalika tos teu ayana itu nikmat “. { Syarah Hikam II, kaca 34 }
بَاارَكَ اللهُ لِيْ وَلَكُمْ وَلِجَمِيْعِ الْمُسْلِمِيْنَ وَالْمُسْلِمَاتِ اِنَّهُ هُوَ الْغَفُوْرُ الرَّحِيْمُ
Khutbah Kadua
اَلْحَمْدُ لِلَّهِ الَّذِى اَنْعَمَ عَلَيْنَا بِنِعْمَةِ الْاِيْمَانِ وَ الْإِشْلَلمِ . اَشْهَدُ اَنْ لَّا اِلَهَ اِلَّا اللهُ وَحْدَهُ لَا شَرِيْكَ لَهُ وَ اَشْهَدُ اَنَّ مُحَمَّدًا عَبْدُهُ وَ رَسُوْلُهُ رَحْمَةً لِّلْعَالَمِيْنَ . اَللَّهُمَّ فَصَلِّ وَ سَلِّمْ عَلَى سَيّدِنَا مُحَمَّدٍ وَعَلَى آلِهِ وَاَصْحَابِهِ اَجْمَعِيْن . اَمَّا بَعْدُ : فَيَا اَ يُّهَا النَّاسُ اُوْصِيْكُمْ و َاِيَّايَ بِتَقْوَى اللهِ وَطَاعَتِهِ لَعَلَّكُمْ تُفْلِحُوْنَ . اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَالْمُسْلِمَاتِ اْلأَحْيَاءِ مِنْهُمْ وَاْلأَمْوَاتِ . رَبَّنَا تَقَبَّلْ مِنَّا اِنَّكَ اَنْتَ السَّمِيْعُ الْعَلِيْمُ وَ تُبْ عَلَيْنَا اِنَّكَ اَنْتَ التَّوَّابُ الرَّحِيْمُ . اَللَّهُمَّ عَرِّفْنَا نِعْمَتَكَ بِدَوَامِهَا وَ لَا تُعَرِّفْهَا لَنَا بِزَوَالِهَا . اَللَّهُمَّ اِنَّا نَسْئَلُكَ التَّكَفُّلَ بِالرِّزْقِ وَالزُّهْدَ فِيْ الْكَفَافِ وَ الْمَخْرَجَ بِالْبَيَانِ مِنْ كُلِّ شُبْهَةٍ . رَبَّنَا آتِنَا فِى الدُّنْيَا حَسَنَةً وَّ فِى اْلآخِرَةِ حَسَنَةً وَّ قِنَا عَذَابَ النَارِ وَ اَدْخِلْنَا الْجَنَّةَ مَعَ الْأَبْرَارِ بِرَحْمَتِكَ يَا اَرْحَمَ الرَاحِمِيْنَ وَالْحَمْدُ لِلَّهِ رَبِّ الْعَالَمِيْنَ
Tidak ada komentar:
Posting Komentar